අස්ගිරි මහා විහාර මහ පිරිවෙන් වාර්ෂික පිරිවෙන් දිනය – 2022
අස්ගිරි මහාවිහාර මහ පිරිවෙන් පරිවේණාධිපති ගෞරවණිය පූජ්‍ය නාරම්පනාවේ ආනන්ද නාහිමිපාණන් වහන්සේගේ අවවාද අනුශාසන පරිදි, ජ්‍යෙෂ්ඨ නියෝජ්‍ය පිරිවෙණාධිපති පූජ්‍ය ඇටිපොළ මහින්ද හිමියන්ගේ හා නියෝජ්‍ය පරිවේණාධිපති පූජ්‍ය පරුස්සැල්ලේ නන්ද හිමි ඇතුලු ආචාර්ය මණ්ඩලයේ මගපෙන්විම යටතේ මෙම උත්සවය සංවිධානය කරන්නට යෙදුනි. හාරසියයකට අධික ආයතනික ශිෂ්‍ය හිමිවරුන්ගේ සිසු කුසලතා ඇගයීමත්, භික්‍ෂු ආකල්ප ප‍්‍රවර්ධනයත් තේමාකර ගනිමින් මෙවර පිරිවෙන් දිනය පැවැත්විනි.
සහභාගී වු සම්භාවණීය අමුත්තන්,
- ඓතිහාසික පොළොන්නරු සොළොස්මස්ථානාධිපති හා මහනුවර, අස්ගිරිය ගෙඩිගේ දළදා ගමන් රාජමහා විහාරාධිකාරී අතිපූජනීය වේ`ඩරුවේ ධර්මකීර්ති ශ‍්‍රී රතනපාල උපාලි අභිධාන මහා විහාර වංශික ශ්‍යාමෝපාලි මහා නිකායේ අස්ගිරි විහාර පාර්ශ්වයේ ජ්‍යෙෂ්ඨ අනුනායක ස්වාමීන්‍ද්‍රයන් වහන්සේ.
- මහාචාර්ය පුජ්‍ය ඉදුරාගාරේ ධම්මරතන නාහිමියන්ගේ (විශේෂ දේශනය)
- මධ්‍යම පළාත් නියෝජ්‍ය අධ්‍යාපන අධ්‍යක්‍ෂ (පිරිවෙන්) රාජකීය පණ්ඩිත ශාස්ත‍්‍රපති පූජ්‍ය කිරිදිගල්ලේ ඤාණරතන ස්වාමීන්‍ද්‍රයන් වහන්සේ
- මහනුවර කළාප භාර සහකාර අධ්‍යාපන අධ්‍යක්‍ෂ (පිරිවෙන්) රාජකීය පණ්ඩිත ශාස්ත‍්‍රපති පූජ්‍ය ගල්ලෑල්ලේ සෝරත ස්වාමීන්‍ද්‍රයන් වහන්සේ
- ගම්පොළ හා දෙනුවර කළාප භාර සහකාර අධ්‍යාපන අධ්‍යක්‍ෂ (පිරිවෙන්) රාජකීය පණ්ඩිත ආචාර්ය පූජ්‍ය පුස්සැල්ලෑවේ සීලවිසුද්ධි ස්වාමීන්‍ද්‍රයන් වහන්සේ
- මධ්‍යම පළාත් ගරු ආණ්ඩුකාර නීතීඥ ලලිත් යූ ගමගේ මැතිතුමා
- මහනුවර මහ විෂ්ණු දේවාලයේ බස්නායක නිළමේ තැන්පත් මහේන් රත්වත්තේ මැතිතුමා
- දහම්පාසල්, පිරිවෙන් හා භික්‍ෂු අධ්‍යාපන රාජ්‍ය අමාත්‍යාංශයේ ගරු ලේකම් එස්. එච්. හරිස්චන්ද්‍ර මැතිතුමා
- එක්සත් ජාතීන්ගේ සංවිධානයේ හිටපු ශ‍්‍රී ලංකා නියෝජිත, කෙන්යාවේ නයිරෝබි නුවර හිටපු තානාපති නුගවෙල ශිෂ්‍යත්ව පදනමේ නිර්මාතෘ ආචාර්ය පැටි‍්‍රක් නුගවෙළ මැතිතුමා
- පේරාදෙණිය විශ්ව විද්‍යාලයේ පාලි හා බෞද්ධ අධ්‍යයන අංශයේ මහාචාර්ය මහින්ද හේරත් මැතිතුමා
- රජරට විශ්ව විද්‍යාලයේ මානව ශාස්ත‍්‍ර පීඨයේ, ඉතිහාසය අධ්‍යයන අංශයේ මහාචාර්ය අජිත් තලවත්ත මැතිතුමා
